Lula: Ish presidenti brazilian dorëzohet në polici

7 Prill, 2018 admin

Ish-presidenti i Brazilit, Luiz Inácio Lula da Silva, është dorëzuar në polici për të filluar vuajtjen e dënimit prej 12 vjetësh për korrupsion, pas një qëndrimi dy-ditor i strehohuar në një ndërtesë të një sindikate të çelikut, pasi humbi afatin përfundimtar të gjykatës për t’u dorëzuar.

72-vjeçari u largua nga ndërtesa pranë Sao Paolo dhe u fut në makinën e policisë.

Një numër i mbështetësve kishin bllokuar më parë makinën e tij që të largohej.

Filmimet në GloboNews të Brazilit treguan Lula-n dhe truprojat e tij duke shtyrë turmën e dendur jashtë zyrës, në qytetin Sao Bernardo do Campo.

Ai tani do të mbahet nga policia në një qeli në qytetin jugor të Curitiba. Lula ishte kryesuesi i zgjedhjeve presidenciale të tetorit.

Ish aktivisti metalurgjik dhe sindikalist është një figurë ikonë për të majtën në Amerikën Latine. Ai ishte kreu i parë i krahut të majtë në presidencën braziliane në gati gjysmë shekulli./BBC

You May Also Like