Real Madrid triumfon në Torino, Ronaldo nuk ndalet

Real Madridi ka vulosur thuajse që në ndeshjen e parë çështjen e kualifikimit r në sfidën e sotme kundër Juventusit e vlefshme për çerekfinalet e Champions League.

Spanjollët kanë fituar 0-3 në Torino përballë një Juventusi në formë jo të mirë.

Me një Ronaldo të pandalshëm,Reali ka dhuruar spektakël në fushën e lojës. Ishte pikërisht portugezi që hapi serinë e golave që në minutën e 3-të.

Pjesa e parë u mbyll 0-1, ndërkohë në pjesën e dytë ishte sërish Ronaldo që dyfishoi shifrat.

Kësaj here në minutën e 64, por me një roveshatë spektakolare. Ndërkaq rezultatin e vulosi Marcelo në minutën e 72.

Ndeshja e kthimit luhet pas një jave, por çështja e kualifikimit duket tashmë e mbyllur.