Rama: Opozita i vuri zjarrin “patriotik” Rrugës së Kombit

Kryeministri Edi Rama, thotë sot, lidhur me situatën e ditëve të fundit,  se opozita po shfrytëzon  ngjarjet në Rrugën e Kombit  dhe se është ajo që i  vuri zjarrin “patriotik”, pasi “dështoi” vetë. Ai thotë  se  tani opozita do që të përdorë Kukësin si shishe benzine për të djegur rrugën europiane të Shqipërisë drejt integrimit në BE.

Kryeministri  shkruan në një status të tij në Facebook, se opozita kërkon të krijojë zjarr e kaos për t’i ikur drejtësisë.

“Kur ishin në qeveri e bënë tenderin e pagesës së rrugës 8-9 EU! Dështuan. Tani i vunë zjarrin “patriotik” e duan ta përdorin Kukësin si shishe benzine për të djegur rrugën europiane të Shqipërisë! Mjerë kush u beson rrugëhumburve pa atdhe që duan zjarr e kaos për t’i ikur drejtësisë!”, shkruan kryeministri Rama në Facebook