Brisida Shehaj, në krye të Task Forcës për Bregdetin
Drejtoresha Ekzekutive e AIDA Znj. Brisida Shehaj, do të marrë një detyrë të re.
Shehaj do të drejtojë Task-Forcën për Bregdetin, të ngritur nga qeveria pak ditë më parë.
Posti i ri i Shehaj u publikua gjatë një deklarate të kreut të ALUIZNIT, Artan Lame, ku ai foli për mediat dhe evidentoi fenomenet korruptive të vërejtura gjatë kontrolleve të kryera nga ZQRPP në lidhje me regjistrimet e AMTP (toka bujqësore).
Pas rreshtimit të të gjitha anomalive mbi këtë çështje, vihet re se të gjitha materialet e shkeljeve dhe fenomeneve korruptive të vërejtura do t’i kalojnë Task Forcës, e cila do të drejtohet nga Briseida Shehaj.
Shehaj gjatë periudhës së qeverisë Rama 1 ishte në krye të Drejtorisë së Përgjithshme të Tatimeve, kurse aktualisht Drejtore Ekzekutive në Agjencinë Shqiptare të Zhvillimit të Investimeve ( AIDA).
