Zelanda e Re: Dëbojmë spiunët rusë, por nuk po gjejmë asnjë
Ndërsa vendet në mbarë botën deportojnë diplomatë në solidaritet me Britaninë e Madhe, Jacinda Ardern thotë se ‘nuk ka individë në Zelandën e Re që i përshtaten profilit të një spiuni.
Kryeministrja e Zelandës së Re, Jacinda Ardern dhe ministri i Punëve të Jashtme, Winston Peters, thonë se do të dëbojnë spiunë rusë nga vendi, nëse ka pasur ndonjë.
Më shumë se 100 diplomatë rusë që thuhet se janë spiunë në vendet perëndimore u është thënë të kthehen në Moskë, në përgjigje të përdorimit të armës kimike në tentativën e vrasjes së Sergei Skripal dhe vajzës së tij Julia , në Salisbury, Angli më 4 mars.
Qeveria e Zelandës së Re e ka dënuar sulmin dhe mbështet veprimin ndërkombëtar, por thotë se nuk ka “agjentë të inteligjencës ruse” në vend.
Ambasadori rus në Zelandën e Re u ftua në një takim “për të përsëritur shqetësimin tonë serioz” mbi sulmin e Salisbury.
“Ndërkohë që vendet e tjera kanë njoftuar se janë duke i dëbuar agjentët e padeklaruar të inteligjencës ruse, zyrtarët kanë këshilluar se në Zelandën e Re nuk ka individë që përshtaten me këtë profil. Nëse do të kishte, ne do të kishim marrë tashmë veprime” tha Ardern.
Ajo tha se Zelanda e Re do të shqyrtojë se çfarë veprimi të mëtejshëm mund të marrë për të mbështetur bashkësinë ndërkombëtare gjatë sulmit.
“Ne mbetemi të palëkundur me partnerët tanë ndërkombëtarë në shqetësimin tonë të përbashkët për sulmin ndaj agjentëve nervor të Salisbury”, tha Ardern.
Peters tha se Zelanda e Re ka qenë e qartë në shprehjen e dënimit të saj mbi sulmin.
“Si pjesë e mbështetjes sonë të vazhdueshme për Mbretërinë e Bashkuar, së bashku me bashkësinë ndërkombëtare, ne do të mbajmë veprime të mundshme në të ardhmen në shqyrtim dhe do të mbetemi në kontakt të ngushtë me partnerët tanë ndërkombëtarë,” tha ai.
Ministria e Punëve të Jashtme “thirri ambasadorin rus në Wellington për të përsëritur shqetësimin tonë serioz për burimin e mundshëm rus të agjentit nervor që përdoret në Salisbury dhe dha të njëjtin mesazh në Moskë”, tha Peters.
