Mogherini drejt Beogradit
Përfaqësuesja e Lartë e Bashkimit Evropian për Politikë të Jashtme dhe të Sigurisë, Federica Mogherini sot do të udhëtojë për në Beograd ku pritet të takohet me presidentin e Serbisë, Aleksandër Vuçiq, për të biseduar për të ardhmen e dialogut mes Kosovës dhe Serbisë, ka konfirmuar zëdhënësja e BE-së Maja Kocijançiç.
“Përfaqësuesja e Lartë, Federica Mogherini, rrugës nga konferenca e Tashkentit në Afganistan, do të ndalet në Beograd pasdite sot për të biseduar me presidentin e Serbisë, Aleksandar Vuçiq, për të folur për të ardhmen e dialogut të ndërmjetësuar nga BE-ja”, thotë Kocijançiq, në konfirmim e saj zëdhënësja e BE-së Maja Kocijançiç, në një postim në llogarinë e saj në rrjetin social Twitter.
Vizita vjen pas arrestimit të djeshëm të shefit të të ashtuquajturës Zyra për Kosovën, Marko Gjuriç, pasi ai edhe pse Ministria e Punëve të Jashtme e Kosovës nuk dha leje për hyrje, kishte hyrë në Kosovë për të marrë pjesë në një debat për dialogun në Kosovë.
Pas arrestimit të tij nga Policia e Kosovës në Mitrovicën e Veriut, Gjuriç u dërgua në një stacion policor në Prishtinë. Më pas Policia e Kosovës bazuar në refuzimin e hyrjes në RKS, e dëboi atë nga territori i Republikës së Kosovës.
