Rama: Skanimi i pronave, ndëshkim abuzuesve të çdo niveli

Së shpejti do të hidhet dritë mbi abuzimet e bëra  pronat në vijën bregdetare dhe kjo do të ndihmojë në ndëshkimin e abuzuesve të çdo niveli. Të gjithë  ata që kanë abuzuar dhe përfituar nga këto prona do të duhet të presin ndëshkimin e tyre.

Vendimi që do të mbrojë interesin publik dhe të pronarëve të ligjshëm do të jetë pikërisht  ai mbi skanimin e pronave në të gjithë vijën bregdetare që do të evidentojë çdo akt kriminale ndaj pronës shtetërore e private, shkruan kryeministri Rama në rrjetin social Facebook.

Ja statusi i plotë i kryeministrit  Edi Rama:

“Vendimi i Qeverisë për skanimin e pronave në vijën bregdetare, është një vendim në mbrojtje të interesit publik dhe të interesave të pronarëve të ligjshëm, kundër akteve të shumta kriminale ndaj pronës shtetërore e private. Task Forca e ngritur nga qeveria, në bashkëpunim me Policinë e Shtetit dhe Prokurorinë, do të hedhë dritë mbi abuzimet e bëra dhe do të ndihmojë në ndëshkimin e abuzuesve të çdo niveli. Dhënia e sipërfaqeve në bregdet, përmes Akteve të Marrjeve në Përdorim të Tokës Bujqësore, është në tërësinë e vet veprimtari korruptive e dënueshme me ligj”.

Mbi rreth 30 mijë parcela  në të gjithë vijën bregdetare të vendit, janë ndarë duke i konsideruar si toka bujqësore,  zonat e rërës e plazheve, brezit pyjor të bregdetit, kënetat, ligatinat, moçalet.

Janë ndërruar zërat kadastralë duke klthyer tokat e pafrytshme në toka buqjësore, është vepruar mbi prona “që kanë qenë jetë e mot”  prona shtetërore, poligone apo reaparte ushtarake.

Procesi do të drejtohet nga prefektët.