Pierce Brosnan: Jam mashtruar

E ndërsa të famshmit  vazhdojë të na habisin me deklaratat e tyre, këtë herë është vetë aktori amerikan Pierce Brosnan, ai që pohon të ketë qenë viktimë e një mashtrimi nga prodhuesi indian i freskuesit të frymës, për reklamën e të cilit kishte aktruar.

Siç bëhet e ditur nga mediat, zyrtarët në Indi kanë kërkuar një sqarim nga Brosnan, për arsyet e aktrimit të tij në reklamën për një produkt nga duhani i cili shkakton varësi tek konsumatori.

Në përgjigjen e tij, Brosnan ka theksuar se kompania Ashok&Co kishte fshehur nga ai informacionin se produkti Pan Bahar ka një përmbajtje të dëmshme.

“Pasi kam duruar, në jetën time personale, humbjen e gruas dhe vajzës time të parë si dhe miqve të shumtë në kancer, unë jam plotësisht i përkushtuar për të mbështetur programet e kujdesit shëndetësor të grave dhe kërkimet që përmirësojnë shëndetin e njeriut dhe lehtësojnë vuajtjet”, tha ai.

Sipas raportit, aktori James Bond kërkoi që kompania të heqë imazhin e tij nga të gjitha prodhimet e veta, pasi Pan Bahar kishte “manipuluar rëndë” mediat për ta paraqitur atë në mënyrë të rremë si markë ambasador për të gjithë linjën e produkteve të tyre, që ishte “në shkelje e kontratës sime “.

Aktori thekson se ka ndërprerë bashkëpunimin me kompaninë, për të shtuar se do të kontribuojë për shtimin e përpjekjeve kundër reklamave të ngjajshme.

Më herët në vitin 2016, kompania e lartpërmendur njoftoi se produkti nuk përmban duhan.